<ol>
 <li>ئەی کوردی خەفەت بار و بریندار و پەرێشان</li>
 <li>ئەی میللەتی بێ پشت و بەبێ یاوەر و عوریان</li>
  <li>جێماوی لەگەڵ نەوعی بەشەر تاقمی یاران</li>
  <li>ماڵداری بەبێ ماڵ و سەری بێ سەر و سامان</li>
  <li>ڕاستۆ بە لەخەو سەیری بکە عالەمی ئیمکان</li>
  <li>کوردینە ئیتر خزمەتی ئەغیار هەتا کەی؟</li>
  <li>شوێن کەوتنی بێگانەیی خونخوار هەتاکەی؟</li>
  <li>دڵپاکی لەگەڵ عەقرەبی چزدار هەتا کەی؟</li>
  <li>هەڵگرتن و ماچکردنی ڕەشمار هەتا کەی؟</li>
  <li>عالەم هەموو خەندان و ئەتۆش زاری و گریان</li>
  <li>کوردینە وەرن حاڵی ببن زاری و شینم</li>
  <li>بۆچ وا بەخەم و قوڕ بەسەر مات و حەزینم</li>
  <li>وا من ئەمرم بۆ وەتەنم دیدە گرینم</li>
  <li>لەم حاڵەتی مەحکوومیە بێزار لە ژینم</li>
  <li>هاوارە دەسا غیرەتێ ئەی کۆمەڵی شێران</li>
  <li>ئەو ڕۆژە کە مەیدانی مەقاماتی خوایە</li>
  <li>مەیدانی حەسابات و گوناهان و جەزایە</li>
  <li>ئەوباڵی ئەم ئەوزاعە لەسەر پیاوی بەڵایە</li>
  <li>بڕوانە چ غەوغایە چ هاوار و هەرایە</li>
  <li>یەک ڕاوکەری... و یەکێ پاس کەری....</li>
  <li>ئەی کوردی ستەمدیدە هەتا کەی لە مەلالا</li>
  <li>بێگانە لەسەر نێعمەتی تۆ وا لە جەلالا</li>
  <li>بەو خوێنە قەسەم جارییە ئەمڕۆ لە شیمالا</li>
  <li>بێ خوێن نییە سوودت لە جواب و لە سوئالا</li>
  <li>گەر مەردی وەرە حازرە سەربازی و موریدان</li>
  <li>سەد خۆزگە بەوەی مرد و نەما ناوی لە کایە</li>
  <li>بێ خەم لە خەمی هام وەتەن و باوک و برایە</li>
  <li>دووبارە دووسەد خۆزگە بەوەی غەرقی فەنایە</li>
  <li>نازانێ کە ئەوزاعی زەمانە لە چ دایە</li>
  <li>سا من چی بکەم دەربەدەر و بێکەس و حەیران؟</li>
  <li>خۆ من بە تەمای تاجی کەی و تەختی قەجەڕ نیم</li>
  <li>خاوەن قەڵەمم ساحبی شمشێر و سپەر نیم</li>
  <li>دانیشتووی سەر ماڵم و سەیاحی سەفەر نیم</li>
  <li>چی بکەم وەکوو یارانی ترم بێ سەر و دەر نیم</li>
  <li>تا ڕۆح لەبەدەنمایە ئەنووسم خەمی کوردان</li>
  <li>ئەی کوردی جەفا دیدە بەسە قەیدی ئەسارەت</li>
  <li>نادان بە کوتەک حاڵییە دانا بە ئیشارەت</li>
  <li>ئەم شینی منە بگرە لە دڵ مەیدە بە غارەت</li>
  <li>تاکەی بە کزی و لارەملی بەند و نەزارەت؟</li>
  <li>هەی هاتە دە هەی هاتە ئەیا جەمعی دلێران</li>
</ol>


Podurama

Home

Trending

Personal

Your Podcasts

New Episodes

My Files

Favourite Episodes

Tags (Folders)

Recently Played

Bookmarks

Followed Playlists

قانع - پەرێشانی |Perêşanî -Qanî

ئەدەبی کوردی - Kurdish literature

AI Chapters

AI Insights

Reviews